बुटवल, २० पौष । अर्घाखाँचीमा भालुको आक्रमणबाट एकजनाको मृत्यु भएको छ ।
इलाका प्रहरी कार्यालय ठाडाका अनुसार शितगंगा नगरपालिका वडा नं. २ सितापुरमा भालुको आक्रमणमा परी ७९ वर्षका रामबहादुर भाट क्षेत्रीको मृत्यु भएको हो ।
घरबाट झिरा भन्ने स्थानमा जाँदै गर्दा शितगंगा– २ ओखारी भन्ने ठाउँमा भालुले आक्रमण गरेर बृद्धको मृत्यु भएको हो । जनप्रतिनिधि, इलाका प्रहरी कार्यालय ठाडाको प्रहरी टोली पुग्दा भालु घटनास्थलमै रहेको र धेरै मानिसहरु देखेपछि भागेको छ ।
एमाले मधेश प्रदेश संसदीय दलको नेतामा यादव चयन
काठमाडौँ, २० पौष । नेकपा एमाले मधेश प्रदेशको संसदीय दलका नेतामा सरोज यादव सर्वसम्मत चयन भएका छन्। मंगलवार जनकपुरधाममा बसेको एमाले मधेश संसदीय दलको बैठकले यादवलाई दलका नेता छानेको हो ।
आकांक्षीहरु बढी भएपछि दलको नेता चयन गर्ने जिम्मा प्रदेश कमिटीलाई दिइएको थियो । प्रदेश कमिटीले यादवको नाम चयन गरेको हो। एमाले केन्द्रीय सदस्य समेत रहेका यादव महोत्तरी क्षेत्र नं. ४ (क) बाट निर्वाचित भएका थिए । मंसिर ४ मा सम्पन्न संसदीय निर्वाचनमा एमालेले मधेश प्रदेशमा २३ सांसद जितेर ठूलो दल बनेको छ ।
आफ्नो प्रतिक्रिया दिनुहोस् !