झापा, असोज १० गते
मेची नगरपालिका–१० कालिपुर नजिक भुटानी नागरिक ४२ बर्षीय च्यान्जिंग दोर्जे दुप्पालाई अपहरण गर्न प्रयोग भएको को.१ च ७०३० नम्वरको गाडी र चालक दमक नगरपालिका–१० बस्ने ३३ बर्षीय लक्ष्मण धामीलाई प्रहरीले पक्राउ गरेको छ ।
उक्त गाडी र नम्वर खुल्न नसकेको २ वटा मोटरसाइकलमा आएका ६/७ जना अपरिचित व्यक्तिहरुले आज १०:०० बजे निज दुप्पालाई अपहरण गर्न खोज्दा स्थानीय बासिन्दाले देखि इलाका प्रहरी कार्यालय काकडभिट्टामा खबर गर्ना साथ तत्काल खटिएको प्रहरीले गाडी र चालकलाई फेला पारी पक्राउ गरेको थियो ।
निज च्यान्जिंग दोर्जे दुप्पा यार्सागुम्बा व्यापारी रहेको र अपरिचित व्यक्तिहरुले फोन गरेर उक्त स्थानमा बोलाएको खुल्न आएको छ । फरार अन्य व्यक्तिहरुको प्रहरीले खोजतलास गर्नुको साथै यस सम्बन्धमा थप अनुसन्धान गरिरहेको छ ।
आफ्नो प्रतिक्रिया दिनुहोस् !