जापान । कोस्टगार्डको विमानमा सवार पाँच जनाको मृत्यु भएको जापानका यातायात मन्त्रीलाई उद्धृत गर्दै समाचार एजेन्सी एएफपीले जनाएको छ ।
सरकारी प्रसारक एनएचकेले पनि पाँच जनाको मृत्यु भएको जनाएको छ । क्याप्टेन भने भाग्न सफल भए पनि गम्भीर घाइते भएका छन् ।
सोमबार गएको शक्तिशाली भूकम्पप्रभावित क्षेत्रमा खाद्यान्न लिएर जाँदै गरेको कोस्टगार्डको विमान धावनमार्गमा अवतरण गर्ने क्रममा रहेको जापान एयरलाइन्सको विमानसँग ठोक्किएर दुर्घटना भएको थियो ।
जापान एअरलाइन्समा सवार सबै ३७९ यात्रुको भने उद्धार गरिएको छ । समाचारअनुसार अवतरणको क्रममा रहेको जापान एअरलाइन्समा भीषण आगलागी भएको थियो भने कोस्टगार्डको विमानमा ठोक्किएको हुनसक्ने बताइएको छ ।
आफ्नो प्रतिक्रिया दिनुहोस् !